მათეს სახარება (თავი 17)

ფერისცვალება

ექვსი დღის შემდეგ იესომ პეტრე, იოანე და იაკობი აიყვანა მაღალ მთაზე განმარტოებით და ფერი იცვალა მათ წინაშე: გაბრწყინდა მისი სახე მზესავით, ხოლო მისი სამოსი გასპეტაკდა როგორც ნათელი. 

და აჰა, გამოეცხადნენ მათ მოსე და ელია იესოსთან მოსაუბრენი.

 მაშინ თქვა პეტრემ: "უფალო, რა კარგია ჩვენთვის აქ ყოფნა. თუ გნებავს, გავაკეთებ აქ სამ კარავს: ერთი შენ, ერთი მოსეს და ერთიც ელიას." პეტრეს სიტყვა ჯერ დამთავრებული არ ჰკონდა, რომ ღრუბლებიდან ხმა გაისმა: "ეს არის ჩემი საყვარელი ძე, რომელიც მოვიწონე მე. მას უსმინეთ!"

 ეს რომ გაიგეს მოწაფეებმა შეეშინდათ და პირქვე დაემხნენ. იესო მათ მიუახლოვდა და უთხრა: "წამოდექით და ნუ გეშინიათ!", ხოლო როდესაც მოწაფეებმა თვალები გაახილეს, ვეღარავინ დაინახეს იესოს გარდა.

ხოლო, როდესაც ისინი მთიდან ჩამოდიოდნენ, უთხრა მათ უფალმა: "არავის არაფერი მოუყვეთ, ვიდრე ძე კაცისა მკვდრეთით არ აღდგება." 

დაინტერესებულმა მოწაფეებმა უფალს ჰკითხეს: "რატომ ამბობენ მწიგნობრები, რომ პირველი ელია უნდა მოვიდეს?" ხოლო უფალმა უპასუხა: "ელია ნამდვილად მოვა და ყოველივეს მოაწესრიგებს. თქვენ გეუბნებით, რომ ელია უკვე მოვიდა, მაგრამ ვერ იცნეს იგი და ისე მოექცნენ, როგორც უნდოდათ. კაცის ძესაც ასე მოელის მათგან ტანჯვა."

მაშინ მოწაფეები მიხვდნენ, რომ საუბარი იოანე ნათლისმცემელს ეხებოდა.

მთვარეულის განკურნება

იესო და მისი მოწაფეები ხალხთან დაბრუნდნენ. მივიდა უფალთან ერთი კაცი, მუხლი მოიდრიკა და უთხრა: "უფალო, შეიწყალე ჩემი ძე, მთვარეულია დაძლიერ იტანჯება, ვინაიდან წარამარა ცეცხლში და წარამარა კიდევ წყალში ვარდება. მივუყვანე იგი შენს მოწაფეებს, მაგრამ მათ ვერ შეძლეს მისი განკურნება."

ხოლო იესომ მათ უთხრა: "ჰოი, ურწმუნო და უკუღმართო მოდგმავ! როდემდე ვიქნები თქვენთან? როდემდე მოგითმენთ თქვენ? აქ მომგვარეთ იგი!"

შერისხა იგი იესომ მოყვანისთანავე და ეშმაკი გამოვიდა ისგან.  ყმაწვილი იმ საათშივე განიკურნა. 

მაშინ განარტოებით მიუახლოვდნენ უფალს მოწაფეები და უთხრეს: "ჩვენ რატომ ვერ შევძელით მისი განდევნა?"

ხოლო უფალმა მიუგო მათ: "თქვენი მცირე რწმენის გამო. ჭეშმრიტად გეუბნებით თქვენ: მდოგვის მარცვალისოდენა რწმენაც რომ  გქონდეთ და უთხრათ ამ მთას: აქედან იქინთ გადადიო, იგი გადავა, და არაფერი იქნება თქვენთვის შეუძლებელი. ეს მოდგმა კი მხოლოდ ლოცვითა და მარხვით განიდევნება."

გალილეაში ყოფნისას უთხრა მათ იესომ: "კაცის ძე გადაცემული იქნება ადამიანთ ხელში, მოკლავენ მას და მესამე დღეს აღდგება."

 ისინი მეტისმეტად შეწუხდნენ.

სატაძრო ხარკისათვის

კაპერნაუმში მისვლისას მივიდნენ პეტრესთან დიდრაქმის ამკრებნი და უთხრეს: "თქვენი მოძღვარი ხომ არ გადაიხდის დიდრაქმას?"

მან უთხრა: კიო. როცა ის სახლში შევიდა, იესომ დაასწრო და უთხრა: "რას ფიქრობ, სიმონ, მიწიერი მეფენი ვისგან იღებენ ხარკს ან ბაჟს – თავიანთ ძეთაგან, თუ უცხოთაგან?"

როცა თქვა: "უცხოთგან", იესომ უთხრა მას: "აბა, ძენი თავისუფლები ყოფილან. მაგრამ, რომ არ დავაბრკოლოთ ისინი, წადი ზღვაზე, ისროლე ანკესი და პირველი თევზი, რომელიც მოხვდეს, ამოიყვანე, გაუღე პირი და შიგ იპოვი სტატირს. წამოიგე იგი და მიეცი იგი ჩემთვის და შენთვის!"

მოსე— ბიბლიის მიხედვით, ძვ. ებრაელთა სჯულმდებელი და წინასწარმეტყველი, განმათავისუფლებელი და ბელადი.უდიდესი წინასწარმეტყველის წოდება ისრაელის ძველ ისტორიაში მიმაგრებული აქვს მოსეს. იგი არა მარტო ებრაელი ერის დამფუძნებელი იყო როგორც ნაციის, არამედ მისი კანონმდებელი, მღვდელი და ღმერთთან შუამავალი. 

თაბორის მთა-თაბორის მთაზე მდებარე ფერისცვალების მონასტერი დაახლოებით XIII – XIVსს-ში დემეტრე თავდადებულს აუგია. ვინაიდან უფალმა ფერი თაბორის მთაზე იცვალა, მონასტრის სახელწოდებაც ამ მოვლენას უკავშირდება. საუკუნეების წინ აშენებული მონასტრის ნაშთები ახლაც არის შემორჩენილი თაბორის მთაზე. სამონასტრო კომპლექსის აღდგენა რამდენიმე წლის წინ უწმიდესისა და უნეტარესის, ილია II –ის ინიციატივით მოხდა. 

წინასწარმეტყველი ელია თეზბიტელი — ერთ-ერთი უდიდესი წინასწარმეტყველი - ლევიტელთა ტომიდან აღმოცენდა ქრისტეს შობამდე ცხრაასზე მეტი წლის წინ. ნეტარის ზედწოდება - თეზბიტელი მისი მშობლიური ქალაქის, თეზბას სახელიდან მომდინარეობს.

                                                              მათეს სახარება (თავი 16)
   იესოს ფარისევლები მიუახლოვდნენ და სასწაულის ჩვენება სთხოვეს. იესომ კი მიუგო: საღამოს ამბობთ ხვალ ცა მოწმენდილი იქნება რადგან დღეს ცა წითელიაო, დილით კი ავდარი იქნება ვინაიდან ცა მოქუფრულიაო.

უკეთური და მემრუში მონა სასწაულს ეძებს, მაგრამ იონას გარდა სხვა სასწაული არ მიეცემა. იესომ მიატოვა ისინი და წავიდა.
    მან მოწაფეებს უთხრა მორიდებოდნენ ფარისევლებსა და მათ საფუარსო. მოწაფეებს გაღმა გასვლისას პურის წაღება დაავიწყდათ და იფიქრეს ამიტომ გვეუბნებაო. იესო მიუხვდა ამ ფიქრებს და ჰკითხა: მცირედ მორწმუნენო,პურის წამოღება დაგავიწყდათ? ნუთუ არ გახსოვთ ხუთი პურით ხუთი ათასი კაცის პურობა და არც შვიდი პურით ოთხი ათასი კაცის პურობა, თანაც კიდევ რამდენი კალათი გაავსეთ.

ნუთუ ვერ ხვდებით რატომ დითხარით მორიდებოდით ფარისეველთა საფუარს. აი მაშინ კი მიხვდნენ მოწაფეები რომ არა ცომის საფუარს, არამედ ფარისეველთა და მწვალებელთა მოძღვრებას უნდა მორიდებოდნენ.
     როდესაც ფილიპე კესარიის მხარეს მივიდა იესომ ჰკითხა თუ რას ამბობდა ხალხი ვინ იყო ღვთის ძე? ზოგს იოანე ნათლისმცემელი ჰგონიხარ, ზოგს ელია, ზოგსაც იერემია. იესომ ჰკითხა მათ: თქვენ ვინ გგონივართ? სიმონმა იგივე პეტრემ მიუგო: ,,შენა ხარ ქრისტე, ძე ცოცხალი ღმრთისა." იესომ უთხარა: ნეტარი ხარ შენ, იონას ძეო, რადგანაც ეს არა შენმა სისხლმა და ხორცმა, არამედ მამაჩემმა განგიცხადა. შენ ხარ კლდე, რომელზეც ავაშენებ მე ეკლესიას და ვერავითარი ჯოჯოხეთის ძალა ვერ სძლევს მას. მოგცემ  სასუფევლის გასაღებს, რასაც ამ ქვეყნად შეკრავ ცაშიც შეკრული იქნება, ხოლო რასაც აქ დახსნი, იქაც დაიხსნება. შემდეგ მოწაფეებს უთხრა: არავისთვის ეთქვათ რომ იესო ქრისტე იყო.
   იმ დღიდან გაუმხილა იესომ მოწაფეებს თუ რა ელოდა: იერუსალიმში წასვლა და მრავალი ტანჯვის მოთმენა უხუცესთაგან, მღვდელმთავართაგან, სიკვდილი და მესამე დღეს აღდგომა. პეტრემ კიცხვა დაიწყო: ,,შორს შენგან უფალო, ღმერთმა ნუ ქნას." იესო მიუბრუნდა და უთხრა: ,,შენ ღმერთისას კი არა კაცისას ფიქრობ, შორს ჩემგან სატანა." ვისაც სურვილი აქვს მე გამომყვეს და ატაროს თავის ჯვარი, ვინც ჩემთვის დაკარგავს სულს ის იპოვის მას.

რა უნდა მისცეს კაცს თავის სულის სანაცვლოდ? მოვა კაცის ძე და ყველას თავისი საქმის მიხედვით მიეგება, მოეზღვება. ზოგიერთი თქვენთაგანი არ იგემებს სიკვდილს, ვიდრე არ ნახავს კაცის ძეს.

                                                    მათეს სახარება (თავი 15)
    იესოს იერუსალიმელმა მწიგნობრებმა და ფარისევლებმა ჰკითხეს, თუ რატომ არღვევდნენ მისი მოწაფეები ჩვეულებას და არ იბანდნენ ხელს ჭამამდე. იესომ კი მიუგო: თქვენ კი არღვევთ ღმერთის მცნებას რომელიც ამბობს: პატივი ეცი მამასა და დედას შენსას. სწორედ თქვენთვის იწინასწარმეტყველა ესაიამ: სიტყვით მადიდებენ ხოლო გულით შორს არიან ჩემგან. შემდეგ ხალხს უხმო და უთხრა: ყველაფერი პირიდან გამომავალი ბილწავს ადამიანს, ხოლო შემავალი არა. ყოველი ნერგი რომელიც ზეციერი მამის მიერ არ არის დარგული, ძირფესვიანად აღმოიფხვრება. პეტრემ სთხოვა განემარტა ეს იგავი. იესომ კი გაიკვირვა ნუთუ თქვენც ვერ ხვდებით? ყველაფერი რაც პირში შევა მუცელს გაივლის და გარეთ გამოვა. ხოლო, რაც პირიდან გამოდის, გულიდან გამოდის, ვინაიდან გულიდან გამოდის კაცისკვლა, მრუშობა, ცილისწამება...  სწორედ ეს ბილწავს კაცს და არა ხელდაუბანლად ჭამა.
 

    შემდეგ იესო ტიროსისა და სიდონის მხარეს წავიდა. ერთი წარმართი ქალი ყვირილით მისდევდა: შემიწყალე მე, რადგან ჩემი შვილი ეშმაკს ჰყავს შეპყრობილიო. თუმცა იესომ ყურადღება არ მიაქცია. მოწაფხოვეს იესოსო გაეშვა ეს ქალი, ამასობაში ის ქალი დაეწია და დახმარება,შეწყალება სთხოვა. იესომ თქვა რომ პურს თავის შვილებს ვერ წაართმევდა და ძაღლებს ვერ მისცემდა. ქალმა უთხრა განა ძაღლები არ ჭამენ ნამცეცებს, რომლების მათმა ბატონებმა დატოვეს?! იესომ უთხრა ქალს, რომ დიდი რწმენა ჰქონდა, დაე ისე იყოს როგორც გსურს და მისი შვილიც მაშინვე განიკურნა.
     იესო წამოვიდა, გალილეის ზღვის პირას, მთაზე დაჯდა და მივიდა მათან უამრავი ხალხი. ზოგი კოჭლი, ზოგი ბრმა, ყრუ და იესომაც განკურნა ისინი. ხალხს უკვირდა და ადიდებდა იესოს ისრაელის ღმერთს.

     იესომ მოწაფეებს უთხრა, რომ ხალხს სამი დღის განმავლობაში არაფერი ეჭამა და ეცოდებოდა ისინი, რადგან გზაში დაუძლურდებოდნენ, გაუჭირდებოდათ. მოწაფეებს მხოლოდ შვიდი პური და რამდენიმე თევზი ჰქონდათ. იესომ ხალხს მიწაზე დაჯდომა უბრძანა თვითონ კი პური და თევზი აიღო, მადლი შესწირა, და მოწაფეებს გადასცა, მოწაფეებმა კი ხალხს.

ნარჩენებით შვიდი კალათა გაავსეს, მჭამელი კი ქალებისა დაბავშვების გარდა ოთხი ათასი კაცი იყო. იესომ ხალხი გაისტუმრა თვითონ კი ნავით მაგდალას საზღვარს მიადგა.

                                                      მათეს სახარება (თავი 14)

იმ დროს იესოს ამბავმა მეოთხე მხედართმთავრამდე, ჰეროდემდეც მიაღწია. იოანე ნათლისმცემელი ყოველთვის მკაცრად ამხილებდა ცოდვილთ. მათ შორის იყო ჰეროდეც ,რადგან მან თავის ძმას ფილიპეს წაართვა ცოლი ჰეროდიადა. იმ ხანად ძმის ცოლის შერთვა მხოლოდ იმ შემთხვევაში შეიძლებოდა თუ ის მოკვდებოდა და თან შვილიც არ ეყოლებოდა. ამის გამო მან იოანე გათოკა და საპყრობილეში ჰყავდა ჩაკეტილი, მისი მოკვლაც უნდოდა თუმცა ხალხის ეშინოდა, რადგან ხალხი იოანეს წინასწარმეტყველად მიიჩნევდა.

         ერთ დღეს ჰეროდეს დაბადებისდღეზე ჰეროდიადას ქალიშვილმა სალომეამ იცეკვა და ჰეროდე ძალიან მოხიბლა. ჰეროდემ დაიფიცა, რომ რასაც ისურვებდა ყველაფერს შეუსრულებდა. სალომემ დედას ჰკითხა რჩევა,მან კი უთხრა, რომ ლანგრით იოანეს თავი მოეთხოვა.  მეფე შეწუხდა თუმცა სხვა გზა აღარ ჰქონდა, ფიცს ვერ გატეხდა, ამიტომ გასცა ბრძანება იოანესთვის თავი მოეკვეთათ.  სალომეამ იოანეს თავი ლანგრით დედამისს მიუტანა.

იოანეს მოწაფეებმა მისი ნეშთი დამარხეს, შემდეგ კი ყველაფერი იესოს უამბეს.  იესო ნავით გაეცალა იქაურობას თუმცა გზად უამრავი ხალხი დახვდა, იესოს შეებრალა ისინი და განკურნა.  შემდეგ მოწაფეები მოვიდნენ და უთხრეს, რომ უკვე გვიანი იყო და ხალხი უნდა გაეშვათ რომ საჭმელი ეჭამათ. იესო მიუგო რომ მათ წასვლა არ დასჭირდებოდათ თვითონ მიეცათ საკვები.  მათ კი უთხრეს, რომ მხოლოდ ხუთი პური და ორი თევზი ჰქონდათ. იესომ მოწაფეებს პური და თევზი მოატანინა, შემდეგ თვალები ზეცისკენ აღაპყრო, პური დატეხა და ხალხისთვის მოწაფეებს დაარიგებინა.

მიუხედავდ იმისა, რომ ქალებისა და ბავშვების გარდა 5000 კაცი იყო, თორმეტი კალათი.პურით გაავსეს. შემდეგ იესომ მოწაფეებს უთხრა წასულიყვნენ, თვითონ კიგანმარტოებით ილოცებდა.

 როცა უკვე ნავი შუა ზღვაში იყო, იესო მათთან ზღვაზე ფეხით სვლით მივიდა.

მოწაფეები ამის დანახვაზე შეძრწუნდნენ. იესომ უთხრა: "მე ვარ, ნუ გეშინიათ,, . პეტრეს ეჭვი შეეპარა და უთხრა ზღვაზე სვლით მიეყვანა მასთან,თუმცა წყალში ჩასვლისას  ჩაძირვა დაიწყო და უფალს შესთხოვა ეშველამისთვის.

იესომ გაუწოდა პეტრეს ხელი და წყლიდან ამოიყვანა, ქარიც მაშინვე ჩადგა. ასე გავიდნენ გაღმა და მიადგნენ გენესარეთის მხარეს.