მათეს სახარება (თავი 18)

    მივიდნენ იესოსთან მოწაფეები და ჰკითხეს: "ვინ უფრო დიდია ცათა სასუფეველში?" იესომ დაუძახა ბავშვს, მათ შორის ჩააყენა და უთხრა: "თუ არ მოქცევით და არ იქნებით როგორც ბავშვები, ვერ შეხვალთ ცათა სასუფეველში. ამრიგად, ვინც თავს დაიმდაბლებს, როგორც ეს ბავშვი, ის იქნება უდიდეს ცათა სასუფეველში. და ვინც მიიღებს ერთ ასეთ ბავშვს ჩემი სახელით, მე მიმიღებს. ხოლო ვინც  ერთს ამ მცირეთაგანს, ვინც ჩემი სწამს, აცდუნებს, მისთვის აჯობებდა წისქვილის ქვა დაეკიდათ კისერზე და ზღვის უფსკრულში ჩაეძირათ. ვაი სოფლეს ცდუნებებისგან, ვინაიდან ცდუნებები უნდა მოვიდეს, მაგრამ ვაი იმ კაცს, ვისგანაც მოდის ცდუნება. 

თუ გაცდუნებს შენი ხელი ან შენი ფეხი, მოიკვეთე და გადააგდე. გიჯობს დასახიჩრებული ან კოჭლი შეხვიდე სიცოცხლეში, ვიდრე ორი ხელით და ორი ფეხით იქნე ჩაგდებული საუკუნო ცეცხლში. თუ გაცდუნებს შენი თვალი, ამოითხარე და გადააგდე. გიჯობს ცალი თვალით შეხვიდე სიცოცხლეში, ვიდრე ორი თვალი გქონდეს და ჩაგდებულ იქნე ცეცხლის გეენაში. იცოდეთ, არ უგულებელყოთ არც ერთი მცირეთაგანი. გეუნებით თქვენ, რომ მათი ანგელოზები ზეცაში სულ მუდამ ხედავენ ჩემი ზეციერი მამის სახეს. ვინაიდან კაცის ძე დაღუპულის სახსნელდ მოვიდა. 

   როგორ გგონიათ, კაცს რომ ასი ცხვარი ჰყავდეს და ერთ მათგანს გზა აებნეს, განა მთებში არ მიატოვებს ოთხმოცდაცხრამეტს და არ წავა გზააბნეულის მოსაძებნად? თუ მოხდება და იპოვის მას, უფრო მეტად გაიხარებს იმაზე, ვიდრე ოთხმოცდაცხრამეტძე, რომლებსაც  გზა არ აბნებიათ. ასევე არ სურს თქვენს ზეციერ მამას, რომ დაიღუპოს ერთი ამ მცირეთაგანი.

    ხოლო თუ შენი ძმა შესცოდავს შენს წინააღმდეგ, მიდი და ამხილე იგი, როცა მარტონი იქნებით, თუ გაგიგონებს, შეგიძენია შენი ძმა. ხოლო თუ არ გაგიგონებს, წაიყოლე კიდევ ერთი ან ორი სხვა, რათა ორი ან სამი მოწმის პირით დამტკიცდეს ყოველი სიტყვა. თუ არც მათ გაუგონებს, ეკლესიას უთხარი; თუ არც ეკლესიას გაუგონებს, მაშნ იყოს იგი შენთვის, როგორც წარმართი და მებაჟე. რასაც მიწაზე შეკრავთ, გახსნილი იქნება ზეცაშიც, და რასაც გახსნით მიწაზე, გახსნილი იქნება ზეცაშიც.

  "თუ ორნი შეთანხმდებიან თქვენგან დედამიწაზე, ითხოვონ ნებისმიერი რამ, მიეცემათ მათ ჩემი ძეციერი მამისაგან, რომელიც ზეცაშია. ვინაიდანსადაც ორი ან სამია შეკრებილი ჩემი სახელით, მეც იქა ვარ მათ შორის." 

   მივიდა უფალთან პეტრე და უთხრა: "უფალო! რამდენჯერ უნდა მივუტევო  ჩემს ძმას? შვიდჯერ?" იესომ კი მიუგო: "მე არ გეუბნები, შვიდჯერმეთქი, არამედ სამოცდაათგზის შვიდჯერ" ამიტო ჰგავს ცათა სასუფეველი კაცსა მეფესა, რომელმაც მოისურვა თავისი მონებისთვს ანგარიშის გასწორება. 

       

    როცა დაიწყო ანგარიში, წარუდგინეს მას ერთი, რომელსაც ათი ათასი ტალანტი ემართა მისი. და რაკი არაფერი გააჩნდა, რომ გადაეხადა, ბატონმა ბრძანა გაეყიდათ იგი, მისი ცოლი, შვილები და ყოველივე, რაც კი ებადა და გადაეხადა. მონა პირქე და დაემხო და ბატონს სულგრძელობისა და პატიების გამოჩენა სთხოვა, ვინაიდან არაფერი ებადა. შეეცოდა ბატონს მონა, გაუშვა და ვალიც აპატია.

     ამ მონას გამოსვლისთანავე შეხვდა თვისი თანამონა, რომელსაც მისი ასი დინარი ემართა. დაიჭირა, ყელში სწვდა და უთხრა: გადამიხადე, რაც ჩემი გმართებსო."  პირქვე დაემხო თანამონა და უთხრა: "სულგრძელი იყავ ჩემ მიმართ და ყველაფერს გადაგიხდიუო." მაგრამ მან არ ინდომა, არამედ წავიდა და ჩააგდო იგი საპყრობილეში, ვიდრე ვალს არ გადაუხდიდა. მისმა თანამონებმა, რომ ნახე შეწუხდნენ და ყველაფერი ბატონს მოახსენეს. მაშნ დაიბარა იგი მისმა ბატონმა და უთხრა: "განა არ გმართებდა შეგეწყალებინა შენი თანამონა, როგორც მე შენ შეგიწყალე?" განრისხდა ბატონი და გადასცა იგი მტანჯველებს, ვიდრე მთელს ვალს არ აგდაიხდიდა. ასე მოგექცევათ თქვენ ჩემი ძეციერი მამა, თუ ყოველი თქვენგანი გულით არ მიუტევებს თავის ძმას მის შეცოდებებს."

მღვდელმოწამე ეგნატე ღმერთშემოსილი